អន្តរជាតិ៖ ក្រុមមន្រ្តីជំនាញសហរដ្ឋអាមេរិ បានព្រមានថា៖ ព្យុះហឺរីខិន ហាន់ណា (Hurricane Hanna) អាចនឹងគំរាមកំហែងដល់អាយុជីវិតមនុស្ស ខណៈដែលព្យុះមួយនេះ បានបក់បោកទៅដល់តំបន់ភាគខាងត្បូង នៃរដ្ឋតិចសាស់, សហរដ្ឋអាមេរិកហើយ ។

បើតាមការចេញផ្សាយដោយសារព័ត៌មាន BBC នៅថ្ងៃអាទិត្យ ទី២៦ ខែកក្កដា ឆ្នាំ២០២០នេះថា ព្យុះហឺរិខិន ហាន់ណា បានបក់បោកមកដល់កោះ Padre Island កាលពីថ្ងៃសៅរ៍ម្សិលមិញ (ម៉ោងនៅក្នុងតំបន់) និងកំពុងវាយប្រហារតំបន់ស្ថិតនៅចន្លោះទីក្រុង Corpus Christi និងទីក្រុង Brownsville នៃរដ្ឋតិចសាស់ ជាមួយកម្លាំងខ្យល់១៤៥គីឡូម៉ែត្រ ក្នុងមួយម៉ោង។

ដោយឡែកអភិបាលរដ្ឋតិចសាស់ លោក Greg Abbott បានចេញសារព្រមានពីគ្រោះមហន្តរាយ សម្រាប់តំបន់ចំនួន៣២ ហើយលោកថែមទាំងអះអាង ផងដែរថា ហាន់ណា អាចនឹងបង្កភាពស្មុគស្មាញដល់កិច្ចខិតខំប្រឹងប្រែងប្រយុទ្ធប្រឆាំង COVID-19។ បន្ទាប់ពីក្រុមមន្ត្រីជំនាញអាមេរិកម បញ្ជាក់ថា ព្យុះហឺរីខិន អាចនឹងបង្កឱ្យ មានភ្លៀងធ្លាក់ខ្លាំងផងដែរ។

គួរបញ្ជាក់ថា រដ្ឋតិចសាស់ កំពុងប្រឹងប្រែងប្រយុទ្ធ និងទប់ស្កាត់ COVID-19 ដែលកំពុងឆ្លងរាតត្បាតយ៉ាងខ្លាំង នៅក្នុងរដ្ឋមួយនេះដែលស្ថិតនៅភាគខាងត្បូង សហរដ្ឋអាមេរិក។

បច្ចុប្បន្ន រដ្ឋតិចសាស់ មានអ្នកឆ្លង COVID-19 ច្រើនជាង ៣៨០,០០០នាក់ ក្នុងនោះស្លាប់ជិត ៥,០០០នាក់៕

LEAVE A REPLY

Please enter your comment!
Please enter your name here