ភ្នំពេញ៖ កម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានចាប់ខ្លួនបុសរម្នាក់ បន្ទាប់ពីរូបគេបានយករូបភាព និងវីដេអូអាក្រាតកាយមិត្តស្រីរបស់ខ្លួន ទៅបង្ហោះតាមបណ្ដាញសង្គមហ្វេសប៊ុក ព្រោះតែខឹងខាងស្រីសុំបែក ទៅមានអ្នកថ្មី ខណៈស្នេហារបស់ពួកគេ ស្គាល់គ្នាតាមអនឡាញប៉ុណ្ណោះ មិនដែលជួបមុខគ្នាផ្ទាល់នោះទេ។

លោកវរសេនីយ៍ឯក អេង សោភា នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានឲ្យដឹងថាជនសង្ស័យឈ្មោះ ឈុន កុយ អាយុ១៨ឆ្នាំ មុខរបរកម្មករសំណង់ មានស្រុកកំណើតនៅភូមិអូរអំពិល ឃុំទួលពង្រ ស្រុកម៉ាល័យ ខេត្តបន្ទាយមានជ័យ ដោយការឃាត់ខ្លួនជនសង្ស័យខាងលើនេះ បានធ្វើឡើងនៅថ្ងៃទី១២ ខែឧសភា ឆ្នាំ២០២០ នៅចំណុចផ្លូវ៣០ម៉ែត្រ ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពញ

លោកនាយការិយាល័យបន្តថា បន្ទាប់ពីឃាត់ខ្លួនជនសង្ស័យ យកមកសាកសួរ រូបគេបានឆ្លើយសារភាពថា ខ្លួន និងជនរងគ្រោះ បានទំនាក់ទំនងស្គាល់គ្នាតាមបណ្ដាញសង្គមហ្វេសប៊ុក ហើយបានស្រឡាញ់គ្នាទៅវិញទៅមក តែពុំដែរបានជួបមុខគ្នាផ្ទាល់ទេ។ ក្រោយមកជនសង្ស័យបានលួងលោមជនរងគ្រោះឲ្យថតវីដេអូអាក្រាតកាយ ផ្ញើមកឲ្យខ្លួនមើល ដោយជឿតាមពាក្យលួងលោមជនរងគ្រោះ ក៏សុខចិត្តធ្វើតាម។

ប្រភពដដែលបន្តថា ក្រោយមកជនសង្ស័យក៏បានថតរូបទុក (Save) លុះអំឡុងខែមេសាមុនចូលឆ្នាំខ្មែរ ជនរងគ្រោះបានសុំបែកគ្នា ដោយប្រាប់ថា ខ្លួនមានសង្សារថ្មីហើយ ឈប់ Chat មកទាក់ទងទៀត ដែលធ្វើឲ្យជនសង្ស័យខឹង ក៏បង្ហោះវីដេអូរូបភាពអាក្រាតកាយរបស់ជនរងគ្រោះ លើបណ្តាញសង្គមហ្វេសប៊ុកតែម្តង។ បន្ទាប់មកជនរងគ្រោះបានដឹងពីទង្វើយរបស់ជនសង្ស័យក៏ប្តឹងសមត្ថកិច្ចឲ្យស្រាវជ្រាវតាមចាប់ខ្លួនផងដែរ

បច្ចុប្បន្នជនសង្ស័យកម្លាំងជំនាញកំពុងកសាងសំណុំរឿង ដើម្បីបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី

LEAVE A REPLY

Please enter your comment!
Please enter your name here